„Прекрасен ден“ на Владо Јаневски доби видео спот од концертот во Антички театар во Охрид!

Најновата песна „Прекрасен ден“ на Владо Јаневски која ексклузивно беше промовирана на Радио Бубамара на 8 јуни доби свое видео издание.

Спотот за песната се снимаше на последниот концерт во Антички театар на 10 август во Охрид.

„Насмејте се ако Ви се доближи камера, снимаме спот. Сега ми јавија дека уште згодни девојки дошле, ќе ја повториме песната уште еднаш“, рече Владо Јаневски на концертот.

Како беше на концертот во Антички театар и како изгледа најновиот видеоспот за песната „Прекрасен ден“,  погледнете!