Гуру Харе ќе одржи лекција по блуз со концерт на 26 септември

Гитаристот Игор Атанасовски –  Харе, кој со години го негува гитарскиот блуз звук на нашата сцена, го најавува својот нов концерт.

На 26 септември**,** четврток, Гуру Харе ќе одржи концерт во култниот клуб **„**Маракана“.

 На програмата ќе има песни од неговиот албум „Овердоуз од блуз“, и блуз класици кои што го инспирирале да биде она што е денес.

„Концерт од срце и за душа. Нема употреба од вештачка интелигенција, само природна емоција.  Сѐ уште свириме на лампи!“, вели за концертот Харе.

Билетите за концертот ќе можете да ги најдете на влезот во клубот „Маракана“.